September 30, 2010

• 話說尋晚我問媽媽點解當年同我轉校係要轉去德信, 呢個小小的問題o係媽媽驅使變左一番長達20分鐘的對話.... 但係之後我幾開心, 仲有少少百感交集~

  我一路都知媽媽當年幫我由大埔舊墟轉校到德信係因為大埔個中學校網唔好, 唔想我是是但但o係一間普通的中學就咁讀落去, 而油尖旺個校網又ok, 所以P.4開左學一個星期都同我轉校. 我好記得當時我上緊數學堂, 校工拍門入來同我講我要早走, 叫我即刻汁哂d野, 媽媽就已經o係學校門口等緊我. 當時我真係好疑惑, 諗唔到點解我番番下學要早走. 媽咪接左我之後唔講點解, 話番到屋企先(. . .) 番到屋企, 媽媽買左大家樂的唔知mud鳳爪飯(唔好食的= ="), 就o係我食緊o個陣, 佢就孚我講"你要轉校, 食完野就會出去見o個間學校的校長" 我當時一聽到, 完全震憾左我的小細界, 我好快就喊左出黎, 好唔開心好唔開心咁喊左出來. 第一, 件事對我黎講真係太太太突然, 第二, 我細過雖然見過人轉校, 但係唔知點解從來冇諗過我有一日可能會轉校. 第三, 我o個時真係好中意o個間學校, 同埋好中意見到o的friend同老師. o個一切實在太突如其來. 我一路喊, 一路食, 接受唔到!! 媽媽只係講左o的安慰說話, 跟住就帶左我去德信. 只記得校長問做mud咁我成績咁好都要轉, 然後就好快入左... o係媽咪口中得知我個位係the last one.

  然後我就問點解要咁突然, 媽媽就話其實都係因為個機會係到, 唔想dum所以everything happens so fast. 我再問其實佢係唔係一直都想我轉出去, 佢就由幼稚園開始講起( . . . ) 佢話其實同我考過都ok多Kowloon district的幼稚園, including德信幼稚園, 又話以我當時咁細個又咁叻應該係好易考, 但係基於我條命硬係有o的阻滯的原因, 我考唔到, 最後o係大埔搵左間. 我o係度諗, 如果我當時是但考到kowloon的一間幼稚園, 可能唔駛經歷轉校o個種唔開心. 講講下, 媽咪問我有冇後悔到呢個改變. 我心裡其實都覺得呢個改變其實都幾好, 我入唔到以前想入的wah yan, 都入到sfxc, 假假地都係一間band 1的emi名校. 但係呢條問題我尋日o係冇答ge... 因為我真係答唔出, 恐怕未上到大學, 甚至一日未知我第日會做mud, 都唔會答到呢條問題. 如是者, 我地講左一陣, 就廿分鐘, 搞到我遲左半個鐘訓= ="

  就咁我就咁快回顧左我一生, 覺得自己咁快要咁實在太誇長啦XD!!! 但係我從中發覺完來人生條路真係好得意, 如果你行到某一步, 即使作出一個細微的選擇或決定, 你條命真係被改寫. 我o係度諗, 如果我出世之後一直就留o係Canada生活讀書, 我而家會唔會係一個鬼仔, 中文字都唔識多隻呢? 如果當時我考到德信幼稚園, 會唔會有可能同Carlos一直由幼稚園做同學做到上中學? 如果當時我冇轉校, 留o係大埔舊墟讀, 會唔會仲係同黃妙妍(小學一個好close的friend)做好朋友, 會唔會讀緊的中學係我屋企隔離o個間, 而因為冇轉到校就冇做一整年的班長, 同識唔到許建峰(P.4的一個好好好朋友)?? 仲有仲有, 如果o個時升中派位派左我去Wah Yan, 我係唔係就會同Szeto & Patrick一齊開心crazy咁做fd+同學, 而從來冇識過Kasper, Vincent, Hubert, Andy呢d咁好多fd同同學? 我發現條路真係有好多可能性, 我唔知呢d係唔係叫緣份. 我整係想好好咁行落去, 希望第時我望返呢o的分cha點會我自然咁笑一笑. 我不禁開始o係度暇想: 如果我俾o的心機讀, 我3年後的HKDSE會唔會5**到M2呢? 我會唔會突然間有一刻對oboe有超濃厚的熱誠而放低學業, 決心做一個professional oboist呢? 或者簡單o的, 我會唔會真係諗住去外國大學呢? 呢一切都聽落好天馬行空, 冇mud可能, 好好笑, 但係我想講的係, 其實條路點行, 真係係睇你想點, 只望第時唔會後悔, 同埋會覺得o個個move係值得ge!!!

  • 9:29 am
  • 4 Comments